Ndeshja e tretë e serisë çerekfinale të playoffit të Superligës së Kosovës ndërmjet Sigal Prishtinës dhe Vëllaznimit, ishte e fundit për gjyqtarin e basketbollit Atdhe Goçaj.
Goçaj, të mërkurën mbrëma për herë të fundit ndau drejtësinë në parket, duke i dhënë fund karrierës së bujshme prej dy dekadave si gjyqtar i basketbollit.
Goçaj vlerësohet si një nga gjyqtarët më të mirë në basketbollin kosovar dhe me kokën lart i ka dhënë fund një karrierë të bujshme që zgjati për njëzet vjet.
Vendimi i tij për t’u pensionuar nuk ishte i lehtë, por Goçaj këtë e kishte marrë muaj më parë dhe ndeshja Prishtina – Vëllaznimi ishte e fundit për të si gjytar.
Sigurisht, pensionimi i Goçajt nga refereimi aktiv do të jetë një humbje e madhe për basketbollin kosovar.
