Të gjitha katër ndeshjet e xhiros së 20-të në Superligën e Kosovës në basketboll, do të zhvillohen ditën e sotme por në dy orare të ndryshme.
Dy ndeshje do të startojnë në orën 16:00 kurse dy të tjerat në orën 19:00 për ta mbyllur këtë xhiro të elitës së basketbollit kosovar.
Skuadra e Borës do të jetë mysafire e Proton Cable Prizrenit në duelin e skuadrave që kërkojnë mbijetesën.
Proton Cable Prizreni është i fundit në tabelë me 23 pikë, dy më pak se Bora që renditet e parfundit.
Në Gjakovë, Vëllaznimi e pret Golden Eagle Yllin, skuadra që gjithashtu janë afër njëra tjetrës në tabelë.
Vëllaznimi është i pesti në tabelë me 29 pikë, dy më pak se Ylli që renditet në pozitën e gjashtë.
Mbrëmja do të jetë e rezervuar për ndeshje më interesante dhe atë kreun e tabelës.
Po ashtu, në Prizren, Bashkimi përballet me Sigal Prishtinën, ndeshje kjo që nis në orën 19:00.
Bashkimi prinë në tabelë dhe do të mundohet ta mbajë këtë pozitë, ndonëse Prishtina është në formë të mirë kohët e fundit.
Ndërkohë, në Mitrovicë, skuadra e Trepçës e pret Pejën në duelin tjetër interesante që starton prej orës 19:00.
