Fundori amerikan Au’Diese Toney është përforcimi më i ri te skuadra e Bashkimit që bën gara në Superligën e Kosovës në basketboll.
Ekipi nga Prizreni, të enjten mbrëma e ka prezantuar amerikanin 25-vjeçar, i cili do të jetë pjesë e Bashkimit për pjesën e mbetur të këtij sezoni.
Toney shihet si përforcim i madh për Bashkimin, ekip që këtë muaj do të luaj në finalen e Kupës së Kosovës dhe synon titullin e kampionit.
Së fundmi, Toney ka luajtur në Greqi te skuadra Kolossos Hotels Rodou dhe kishte një mesatare prej 7.5 pikëve në shtatë ndeshje të luajtura kampionale.
Basketbollisti i gjatë 198 centimetra ka luajtur edhe në NBA G-League kurse në tetor të vitit 2023 kishte firmosur kontratë me Denver Nuggets për ta shkëuputur dy javë më vonë.
