Reprezentuesi i Kosovës, Donat Rrudhani, ishte figurë tragjike e Luzernit në humbjen nga Aarau në raundin e dytë të Kupës së Zvicrës.
Në ndeshjen e së dielës, Rrudhani u përjashtua pas kartonit të dytë të verdhë.
Pas largimit të tij në minutën e 70-të, Aarau dominoi në fushë dhe arriti fitoren 1:0.
Aarau garon në kategorinë e dytë të Zvicrës, ndërsa Luzerni në kategorinë e parë.
Aarau është skuadra ku Rrudhani shpërtheu dhe ai u paraqit mirë para se të merrte kartonin e dytë të verdhë për një ndërhyrje të paqëllimtë dhe pa fat.
Ka 12 vjet që Luzerni nuk është eliminuar kaq herët nga gara për Kupë. Ka arritur të paktën në gjysmëfinale në gjashtë raste gjatë kësaj periudhe.
“Duhet ta mbrojmë Donatin, ishte shumë larg prej asaj që e dëshirojë dhe shumë pa fat. Nuk e fajësojmë atë, ndonëse kartoni i kuq na ka lënduar”, ka thënë kapiteni i Luzernit, Pius Dorn, shkruan Blick.
“Nuk mund ta fajësoni atë. Ai dëshirojë të godas dhe lojtari kundërshtar futi këmbën. Nuk e di nëse do të jepja kartonin e dytë të verdhë nëse do të isha refer. Natyrisht e kishim më të vështirë pasi mbetëm me 10 lojtarë”, ka thënë mbrojtësi i Luzernit, Stefan Knezheviq.
Rrudhani shkëlqeu në ndeshjen e Kosovës ndaj Qipros.
U shfaq mirë edhe për Luzernin, ku është i huazuar nga Young Boysi, deri në momentin kur u përjashtua me dy kartona të verdhë.
