Një person është arrestuar nga Policia e Kosovës, nën dyshimin që i njëjti ka bashkëjetuar me një të mitur në Mitrovicë.
Në raportin 24-orësh është bërë e ditur se e mitura është dërguar në strehimore, ku do t’i bëhen ekzaminimet mjekësore.
Ndërkaq, me rastin është konsultuar prokurori, vendimi i të cilit ka qenë që i dyshuari të lirohet në procedurë të rregullt.
“Mitrovicë 03.06.2023 – 22:25. Është arrestuar i dyshuari mashkull kosovar nën dyshimin se ka bashkëjetuar me viktimën femër kosovare e mitur. Viktima është dërguar në strehimore dhe do ti bëhen ekzaminimet mjekësore, ndërsa i dyshuari me vendim të prokurorit është liruar në procedurë të rregullt”, thuhet në njoftimin e Policisë. /teve1.info/