Kryetari i Kuvendit të Kosovës, Dimal Basha ka marrë pjesë në Darkën e Lamës, vazhdimin e një tradite të nisur nga presidenti Dr.Ibrahim Rugova e tashmë nga presidentja Vjosa Osmani-Sadriu.
Basha ka thënë se Darka e Lamës është më shumë një festë e bereqetit, shenjë e unitetit, mirënjohjes dhe bashkimit kombëtar.
“Të mbledhur rreth sofrës me prodhime vendore e ushqime tradicionale, u bashkuam në frymën e mirënjohjes dhe respektit për tokën, për punën e palodhur të fermerëve tanë dhe për begatinë që ata i sjellin vendit.Darka e Lamës është më shumë se një festë e bereqetit, është shenjë e unitetit, mirënjohjes dhe bashkimit tonë kombëtar, që na kujton se përmes punës dhe bashkëpunimit ndërtojmë mirëqenie për çdo qytetar.Bashkë me dashamirë, përfaqësues të institucioneve dhe miq ndërkombëtarë, festuam bereqetin, mirënjohjen dhe përkushtimin për të ardhmen tonë të përbashkët”, ka shkruar Basha në Facebook./teve1.info/
