Është anuluar vendimi për orarin e barnatoreve, për mbylljen e tyre në ora 21:00 siç parashihte vendimi paraprak.
Lajmin e ka bërë të ditur asamblisti i PDK-së, Leutrim Ratkoceri, përcjell teve1.info.
Sipas tij, pacientët e kryeqytetit në vitin e fundit kanë hasur në shumë vështirësi në furnizim me barëra gjatë kujdestarisë, posaqërisht në situata emergjente dhe për pasojë sipas tij, ishin të detyruar që të furnizoheshin me këto barëra nga barnatoret në komunën e Fushë-Kosovës apo Graçanicës.
“Sot anuluam orarin e Barnatoreve – Më nuk do të ketë kufizime! Të nderuar qytetarë të Prishtinës, duke marr parasysh ankesat e shumta të qytetarëve lidhur me kufizimin e orarit të punës së barnatoreve në Kryeqytet, sot Kuvendi i Prishtinës me propozim të Grupit të PDK-së anuloj “Propozim Ndryshimin e Rregullores” e cila kishte sjellë këtë kufizim. Pacientët e kryeqytetit në vitin e fundit hasën në shumë vështirësi në furnizim me barëra gjatë kujdestarisë, posaqërisht në situata emergjente dhe për pasojë ishin detyruar që të furnizohen me këto barëra nga barnatoret në komunën e Fushës Kosovës apo Graçanicës. Pas anulimit që u bë, PDK Prishtinë kërkon që kjo rregullore të kthehet në debat publik dhe vendimarrja lidhur me këtë çështje të kthehet tek qytetarët. Falenderojmë subjektet dhe asamblistët që mbështetën votimin e propozimit”, tha Retkoceri./teve1.info./
