Barcelona ka shfrytëzuar barazimin e Real Madridit për t’iu afruar edhe më shumë kreut të tabelës në La Liga.
Pak orë pasi Reali barazoi në udhëtim, Barcelona si mysafire mposhti skuadrën e Celta Vigos.
Ndeshja e luajtur të dielën mbrëma, në kuadër të xhiros së 12-të në kampionatin spanjoll, përfundoi me shifrat 4:2 në të mirë të Barçës.
Përballja ishte e fortë dhe tejet interesante, sidomos në pjesën e parë ku u shënuan hiq më pak se pesë gola.
Sergio Carreira (11’) e Borja Iglesias (43’) ishin shënues për Celta VIgon, ndërsa golat për Barcelonën i realizuan vetëm dy futbollistë.
Sulmuesi polak, Robert Lewandowski realizoi “hat-trick” ku njërin prej tre golave, e shënoi nga penalltia kurse golin tjetër për Barcelonën e realizoi Lamine Yamal.
Në minutat shtesë të takimit, Barcelona mbeti me një lojtar më pak, pasi mesfushori Frenkie De Jong u përjashtua pas kartonit të dytë të verdhë.
Tani, Barcelona ka 28 pikë dhe është e dyta në tabelë, të cilës i prinë Real Madridi me 31 pikë të mbledhura.
