Barcelona ka marrë një lajm të hidhur në lidhje me lëndimin e mesfushorit Rodri që e pësoi kundër Aston Villas.
Barcelona mposhti 3:0 Aston Villan në Ligën e Kampionëve, të martën mbrëma kurse Rodri pati shqetësime në kofshën e djathtë duke bërë që të zëvendësohet pas 45 minutave të para.
Ekzaminimet të mërkurën, kanë konfirmuar një çarje të muskulit në kofshën e djathtë, lëndim ky që do ta detyrojë 30-vjeçarin të pauzojë të paktën për një muaj.
Si pasojë e këtij lëndimi, Rodri do të jetë mungesa e madhe e Barcelonës në derbin e së dielës kundër Atletico Madridit kurse nuk pritet të rikthehet në fushë deri në fillim të muajit dhjetor.
Krahas Atleticos, Rodri do ti mungojë Barcelonës në ndeshjet kampionale edhe me Villarrealin e Deportivo La Corunan kurse nuk do të jetë në dispozicion as kundër Sabahut në Champions.
Gjithashtu, Rodri do të mungojë edhe te Kombëtarja e Spanjës për dy ndeshjet e këtij muaji në Ligën e Kombeve.
