TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
Reklamo

Baraliu: Rivotimi në Mitrovicë bëhet vetëm nëse cenohet integriteti në pjesë të madhe të vendvotimeve

by teve1
1 vit ago
3
A A
Baraliu: Rivotimi në Mitrovicë bëhet vetëm nëse cenohet integriteti në pjesë të madhe të vendvotimeve

Profesori, Mazllum Baraliu ka thënë se kërkesa e Partisë Demokratike të Kosovës për rivotim në Komunën e Mitrovicës mund të shqyrtohet vetëm nëse provohet se është cenuar integriteti i procesit zgjedhor në një numër të madh vendvotimesh.

Në emisionin “Ditari” në Tëvë1, Baraliu ka theksuar se Komisioni Qendror i Zgjedhjeve është i obliguar të zbatojë ligjet dhe rregullat ekzistuese, dhe se rivotimi nuk mund të bëhet pa prova të qarta.

“PDK-ja ka kërkuar vazhdimisht, mirëpo KQZ-ja ka rregulla dhe ligje që duhet t’i zbatojë. Rivotimi në një komunë bëhet vetëm atëherë kur ka fakte, prova e dëshmi që është cenuar substanca e integritetit në një pjesë të madhe e të rëndësishme të vendvotimeve, që ndikon edhe në rezultatin e kandidatëve”, ka deklaruar Baraliu.

Ai ka sqaruar se KQZ-ja nuk mund të lejojë kthimin prapa të procesit zgjedhor për çështje që janë lehtë të verifikueshme, pasi ekzistojnë mekanizma kontrolli në çdo qendër votimi.

“Ekziston libri i nënshkrimeve të çdo votuesi që krahasohet me fletëvotimet në kuti. Nëse ka përputhshmëri, procesi është në rregull dhe nuk ka nevojë për rivotim. Por nëse ka mospërputhje, votat shpallen të pavlefshme, siç ndodhi me ato 75 vota. Një gabim teknik prej 1 apo 2% nuk mund të konsiderohet shkelje e integritetit të procesit”, ka shtuar ai.

Sipas tij, gabimi në fletëvotimet në Mitrovicën e Jugut nuk ka ardhur nga institucionet vendore, megjithatë ai e ka quajtur KQZ-në bashkëpërgjegjëse.

“Është me rëndësi që gabimi nuk ka qenë nga institucionet e Kosovës, por nga kompania që ka përgatitur materialin zgjedhor. Megjithatë, KQZ-ja është në njëfarë mënyre bashkëfajtor, sepse është dashur të mos lejojë asnjë gabim. Shpresoj që ky rast të mos e dëmtojë procesin në përqindje të madhe”, ka përfunduar Baraliu.

Ndryshe, Partia Demokratike e Kosovës ka kërkuar që në Mitrovicë të organizohet rivotim për shkak të parregullsive të konstatuara gjatë procesit të votimit dhe numërimit.

Lidhur me këtë, PDK-ja ka dorëzuar më 11 nëntor ankesë zyrtare në Panelin Zgjedhor për Ankesa dhe Parashtresa për ‘mbrojtje të vullnetit të qytetarëve të Mitrovicës’.

Sipas njoftimit të PDK-së, ky veprim është kryer në përputhje me ligjin dhe me qëllim të garantimit të integritetit të procesit zgjedhor dhe të votës së lirë të qytetarëve.

PDK ka theksuar se do të ndjekë me përgjegjësi të gjitha procedurat ligjore, për të siguruar që rezultati përfundimtar të reflektojë vullnetin real të qytetarëve të Mitrovicës.

Prokuroria Themelore në Mitrovicë e ka urdhëruar të martën (11 nëntor) Komisionin Komunal Zgjedhor ta rifillojë numërimin e votave të balotazhit të 9 nëntorit në Qendrën Komunale në Mitrovicën e Jugut, i cili u ndërpre më 10 nëntor pas raportimeve për parregullsi.

Prokuroria tha se vendimin e mori pasi kompania sllovene CETIS, mori përgjegjësinë për një gabim në printimin e fletëvotimeve.

Ajo tha se kompania “ka shpjeguar se problemi i numërimit ndodhi ekskluzivisht në njërën nga katër kokat/pllakat e printerëve me ngjyrë, përgjegjëse për printimin e numrit të qendrës së votimit, dhe se marrin përgjegjësi për këtë gabim, sipas të cilës në rrethana normale do të ishte pothuajse i pamundur të ndodhte”./teve1.info/

Tags: Mazllum BaraliumitrovicepdkRivotim
ShareTweet

Postime të ngjashme

Dita e Alfabetit, Shiroka-Pula: Lufta për liri u bë edhe për gjuhën shqipe

Fishekë të fshehur në valixhen e shoferit, zbulohet municion në një autobus në Merdarë

Fishekë të fshehur në valixhen e shoferit, zbulohet municion në një autobus në Merdarë

Pas protestave për Arlindën, aktivistët paralajmërojnë presion ndaj institucioneve

Pas protestave për Arlindën, aktivistët paralajmërojnë presion ndaj institucioneve

Nesër mblidhet Kryesia e Kuvendit dhe tri komisione parlamentare

Nesër mblidhet Kryesia e Kuvendit dhe tri komisione parlamentare

Hamasi kërkon bisedime urgjente me garantuesit e armëpushimit pas sulmit izraelit që vrau 3 punonjës humanitarë në Gaza

Hamasi kërkon bisedime urgjente me garantuesit e armëpushimit pas sulmit izraelit që vrau 3 punonjës humanitarë në Gaza

Eurostat: Gati tre në katër familje në Greqi nuk kanë fëmijë

Eurostat: Gati tre në katër familje në Greqi nuk kanë fëmijë

Kolonët izraelitë i vënë flakën një shtëpie në Bregun Perëndimor, ndërsa fëmijët ndodheshin brenda

Kolonët izraelitë sulmojnë katër fshatra palestineze në Bregun Perëndimor të pushtuar

Dita e Alfabetit, Shiroka-Pula: Lufta për liri u bë edhe për gjuhën shqipe

Babai i Edon Zhegrovës krenohet me të birin që nuk e uli kokën gjatë intonimit të himnit të Izraelit

Babai i Edon Zhegrovës krenohet me të birin që nuk e uli kokën gjatë intonimit të himnit të Izraelit

Zhegrova mund të mbetet te Juventusi

Edon Zhegrova nis ndeshjen nga fillimi për Juventusin

Fishekë të fshehur në valixhen e shoferit, zbulohet municion në një autobus në Merdarë

Fishekë të fshehur në valixhen e shoferit, zbulohet municion në një autobus në Merdarë

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

Social Media

© 2022 - 2026 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

© 2022 - 2026 TËVË 1 - lexoje tëvërtetën