Ballkani ka arritur fitoren e radhës në ndeshjen e parë të fazës së dytë në Superligën e Kosovës në futboll.
Kampioni në fuqi mposhti në shtëpi Lirinë me rezultatin e thellë 4-1, pavarësisht se ishte në disavantazh pas pjesës së parë.
Prizrenasit morrën epërsinë në minutën e 15’ me një supergol nga Zenunaj, mirëpo në 5 minutat e pjesës së dytë, Ballkani shënoi dyherë me Albin Berishën dhe Lumbardh Dellovën. Almir Kryeziu shënoi dyherë të tjera, për rezultatin final të takimit.
Suharekasit vazhdojnë në krye të tabeles me 23 pikë, ndërsa Liria mbetet në kuotën e 6 pikëve në vendin e parafundit.
