Ballkani i Suharekës e ka shënuar fitoren e tretë rresht në Superligën e Kosovës në futboll.
Suharekasit mposhtën në shtëpi Feronikelin 74 me rezultatin 2:0.
Ndeshja e javës së katërt e elitës së futbollit kosovar u zhvillua të dielën, ndërsa Ballkani fitoi me dy golat e realizuar në pjesën e parë.
Golin e parë e shënoi Abou Dosso në minutën e 14-të.
Dosso asistoi edhe te goli i dytë të cilin e realizoi Albert Diene në minutën e 20-të.
Ballkani ngrihet në vendin e tretë me nëntë pikë. Feronikeli 74 mbetet pa pikë në vendin e parafundit.
Pa pikë janë edhe Llapi dhe Vushtrria.
