Kanë përfunduar tre ndeshjet e Superligës së Kosovës në futboll.
Ballkani ka triumfuar ndaj Gjilanit në Suharekë, me ndeshjen që përfundoi me shifrat 2 me 0.
Korenica dhe Rrahmani shënuan golat e fitores për skuadrën e Dajës, që rikthehet në vendin e parë.
Prishtina fitoi me përmbysje ndaj Trepçës ’89, me sfidën që pati epilog përfundimtar 4 me 1.
Pjesa e parë përfundoi 0 me 1 në të mirë të skuadrës mitrovicase, por që në pjesën e dytë, Prishtina përmbysi gjithçka.
Në Podujevë, Llapi triumfoi me rezultat 1 me 0 ndaj Malishevës. Rivera shënoi golin e vetëm dhe të fitores për skuadrën e drejtuar nga Tahir Batatina.
