Kroati Mislav Karoglan nuk është më trajner i Ballkanit të Suharekës.
Ballkani ka lënë të kuptohet se Karoglan ka dhënë dorëheqje.
“FC Ballkani njofton se Mislav Karoglan, për arsye personale, nuk do të vazhdojë të jetë në krye të skuadrës.E falënderojmë për punën dhe bashkëpunimin gjatë kësaj periudhe. Ishte kënaqësi ta kishim pjesë të familjes së Ballkanit dhe i jemi mirënjohës për kontributin e tij në klub. Gjithashtu, i urojmë shumë suksese, shëndet dhe mbarësi në vazhdim të jetës dhe karrierës”, shkruan në njoftimin e Ballkanit.
Karoglan mori drejtimin e Ballkanit në nëntor të vitit të kaluar. Skuadra suharekase nuk fitoi trofe e po ashtu nuk kishte ndonjë sukses në Evropë gjatë kësaj kohe.
