Pas huazimeve sezonin e shkuar, mesfushori i Kombëtares së Shqipërisë, Kristjan Asllani do të huazohet edhe në sezonin e ri.
Skuadra e Interit tashmë ka arritur marrëveshje me ekipin nga Emiratet e Bashkuara Arabe për huazimin e Asllanit.
Marrëveshja, tashmë është arritur mes palëve dhe pritet të bëhet zyrtare ditëve në vijim, me Asllanin që do të prezantohet tek Al Jazira.
Al Jazira do të paguajë 1.5 milionë euro për huazimin njëvjeçar të Asllanit, ndërsa blerjen e tij e ka të obliguar për 5 milionë euro në vitin e ardhshëm.
Asllani ka kontratë me Interin deri në vitin 2028 por nuk bën pjesë në planet e klubit nga Serie A, i cili edhe sezonin e kaluar e kishte huazuar.
24-vjeçari për gjashtë muaj ishte i huazuar te skuadra e Torinos, ndërsa për gjashtë muaj tjerë te Beshiktashi, ekipe që nuk preferuan blerjen e tij përfundimtare.
