Pas shumë vitesh mund, keqtrajtime dhe sfida nga më të ndryshmet futbolli kosovar në ditën e djeshme shënoi histori.
Ballkani mbrëmë mundi ekipin e Shkupit me rezultat 1 me 0 në stadiumin ‘Fadil Vokrri’ – në një ndeshje tejet spektakolare, ku të pranishëm ishin afro 12 mijë futbolldashës.
Fitore kjo që shkroi historinë e futbollit kosovar, duke u bërë ekipi i parë që merr pjesë në kompeticionet e shtëpisë më të madhe të futbollit në Europë, UEFA.
Group stage draw ✅
🤔 Best group? #UECL | #UECLdraw pic.twitter.com/wzBA4ok52G
— UEFA Europa Conference League (@europacnfleague) August 26, 2022
Sot kampioni në fuqi i Superligës së Kosovës mësoi kundërshtarët në fazën e grupeve të UEFA Conference League.
Suharekasit janë në grup me tri skuadra të forta evropiane, si Slavia e Pragës nga Çekia, Sivasspori nga Turqia dhe CFR Cluj nga Rumania.
Ndeshjet e para të kompeticionit të UEFA-s zhvillohen më 8 shtator.
