Ballkani luan sot ndaj Viktoria Plzenit në kuadër të ndeshjes së pestë të Grupit C në Ligën e Konferencës.
Therandasit janë nikoqir të çekëve në takimin që pritet të zhvillohet në stadiumin “Air Albania” në Tiranë, me fillim nga ora 18:45.
Ekipi i Ilir Dajës vjen në këtë ndeshje pas një forme të përsosur në kampionat, por në Ligën e Konferencës synon ta ndryshoj formën pasi vjen nga një humbje dhe një barazim.
Në anën tjetër, mysafirët kanë katër fitore nga katër ndeshjet e para dhe pasi e kanë siguruar kualifikimin do të luajnë pa ndonjë presion apo kërkim të rezultatit.
Ndeshja në Tiranë do të zhvillohet pas ngarkesës së madhe të stadiumin “Fadil Vokrri” në Prishtinë, i cili tashmë ka shkuar në rinovim dhe nuk pritet të jetë gati deri në pranverë.
Momentalisht, Ballkani ka 4 pikë në vendin tretë, aq sa ka edhe Asanta në vendin e dytë, e cila me fillim nga ora 16:30 do të përballet me Dinamo Zagrebin e vendit të fundit dhe pikërisht aty, Ballkani do t’i konvenonte shumë një barazim.
Kjo përballje është speciale edhe për teknikun Ilir Daja, jo vetëm për rikthimin e tij në kryeqytet, por edhe për shkakun se do ta drejtojë Ballkanin në ndeshjen numër 100.
