Ndeshja e parë e rundit të parë kualifikues në UEFA Conference League ndërmjet Connah’s Quay Nomads dhe FC Ballkanit ka përfunduar me rezultatin e barabartë 0-0.
Përgjatë 90 minutave të zhvilluara në stadiumin “Llanelian Road”, Ballkani mbajti më shumë posedimin e topit me 69%, por nuk arriti të regjistrojë asnjë goditje brenda kuadratit të portës.
Në krahun tjetër, skuadra vendase u tregua më konkrete duke krijuar 8 raste totale për shënim, prej të cilave 4 goditje përfunduan në duart e portierit.
Me këtë barazim pa gola, çështja e kualifikimit mbetet tërësisht e hapur për ndeshjen e kthimit që do të luhet javën e ardhshme në Prishtinë.
