Deputetja e LDK-së, Hykmete Bajrami, ka reaguar pas zhvillimeve të fundit në Kuvendin e Kosovës, duke kritikuar qasjen e Lëvizjes Vetëvendosje gjatë kohës sa ishte në opozitë.
Përmes një postimi në Facebook, Bajrami u ka drejtuar disa pyetje eksponentëve të LVV-së lidhur me votimet e tyre në të kaluarën.
“A kanë votuar ndonjëherë për kryetar të Kuvendit? Me votat e kujt janë zgjedhur Aida Dërguti dhe Glauk Konjufca nënkryetarë të Kuvendit? A kanë votuar ndonjëherë për President të Kosovës, duke qenë vetë në opozitë?”, ka shkruar Bajrami.
Në fund të reagimit, ajo e ka akuzuar LVV-në për hipokrizi.
