Deputeti i zgjedhur nga Lëvizja Vetëvendosje, Alban Bajrami, ka deklaruar se VV nuk do të futet në koalicion më Partinë Demokratike të Kosovës në asnjë mënyrë, të paktën edhe një kohë të gjatë.
“PDK synon pjesë në tortën e Qeverisë pa i fituar zgjedhjet. VV me PDK-në nuk qeverisë dhe nuk duhet të shqetësohet askush. Nëse bëjnë reforma të thella pas shumë viteve, mund ta shqyrtojmë ndonjë ofertë nga ta. Ne nuk e marrim PDK-në në qeveri”, tha Alban Bajrami në emisionin “InfoNata” në Tëvë1.
Ai e vlerësoi kryetarin e PDK-së, Bedri Hamza si zëdhënës të partisë.
“Bedri Hamza nuk është kryetar, është zëdhënës i partisë. PDK e ka përfaqësuesin për media që është Bedri Hamza, pra nuk kanë kryetar të vërtetë. Nuk del një kryetar partie çdo javë në emisione televizive. Kur atyre u duket se nuk ka thënë mjaftueshëm, e qesin sërish Hamzën. Atë e shkatërruan duke e dërguar në emisione duke i ndërruar qëndrimet çdo javë”, theksoi Bajrami.
