Avokati, Ardian Bajraktari deklaroi se rasti i vrasjes së 18 vjeçarit në Podujevë është trajtuar jo sipas standardeve që do të duhej të trajtoheshin raste të tilla.
Madje sipas Bajraktarit, ka pasur tendencë që edhe për të kamufluar apo fshehur diçka lidhur me rastin.
“Unë jam optimist dhe inkurajoj Inspektoratin Policorë që ta trajtojë rastin në pajtim me përgjegjësitë që ka, dhe mbase të dalë me një raport sa më të shpejtë në mënyrë që të gjithë ata që kanë dështu në kryerjen e detyrave dhe përgjegjësive të tyre ligjore, në rast se ka elemente pse jo edhe të ushtrojë edhe kallëzim penal. Por verzioni më i butë i mundshëm është trajtim jo sipas standardeve që do të duhej të trajtoheshin rastet e tilla”, tha avokati në emisionin “InfoNata” në Tëvë1.
Derisa është shpehur optimist se Inspektorati Policorë i Republikës së Kosovës do ta trajtojë rastin dhe se sipas tij, shumë shpejtë do të dalë me një raport dhe sqarim për publikun.
“Fillimisht me aq sa u tha reagimi ka qenë jo adekuat,. pastaj edhe raporti pati sipas indikacioneve, tendenca mbase edhe për të kamufluar ose për të fshehur diçka kështu që… po s’përjashtohet mundësia. Prandaj është inspektorati policor i cili u konfirmua që sot ka filluar të merret e trajtimin dhe unë jam optimist dhe pres që shumë shpejtë të dalë me raport dhe mbase edhe me sqarime për publikun”, shtoi avokati Bajraktari.
Ndryshe, Inspektorati Policor i Kosovës ka konfirmuar se kanë filluar tashmë hetimet për rastin në fjalë.
“Duke ju referuar kërkesës suaj ju informojmë se lidhur me këtë rast Inspektorati Policor i Kosovës sipas detyrës zyrtare ka filluar një hetim preliminar që përfshin prëveç tjerash edhe grumbullimin e informacioneve shtesë rreth veprimeve të policisë si dhe sigurimin e të gjitha shkresave lidhur me këtë rast. Veprimet tjera do të ndërmerren varësisht nga të gjeturat e hetimit preliminar dhe autorizimeve ligjore të IPK-së”, thuhet nga IPK.
Lulzim Fejzullahu u varros të dielën në varrezat e qytetit në Podujevë./teve1.info./