Azemi në emisionin “Info-Nata” në Tëvë1 tha se sektori privat u diskriminua kur Qeveria i ndau 100 euro për punonjësit e sektorit publik derisa nuk i dha mundësi aplikimi edhe atyre të sektorit privat.
“Ne themi që punëtorët e sektorit privat jemi kategori e tretë e rangut në nivel të Kosovës pasi që vërtetë këto diskriminime që janë bërë, janë bërë vetëm në periudhën ’90-’99. Nuk e themi me dëshirë këtë fjalë por kjo na ka dërgu mostrën e viteve ’90-’99 kur shqiptarët u diskriminonin nga serbët. Ata kishin një gjendje shumë më të mirë ekonomike-sociale, atyre ligji gjithçka funksionoje, derisa tek ne kemi mundur mu flakë për dy fjalë ose për asgjë. Dhe tani kjo me të vërtetë ka qenë një përjetim shumë i rëndë, një diçka çka komentet që i kam marrë nga sektori privat i Kosovës janë jashtëzakonisht të shqetësuar dhe nuk e ke idenë se në çfarë niveli ka ardhë Qeveria e Kosovës me këto ndarje me këto diskriminime”, tha Azemi.
Sipas Azemit, me këtë veprim Qeveria i ka thyer punonjësit e sektorit privat jo vetëm financiarisht por edhe moralisht.
