Rexhep Kodra, axha i komadantit të Ushtrisë Çlirimtare të Kosovës, Ilaz Kodrës ka rrëfyer për momentin kur e ka kuptuar për rënien e nipit të tij 24 vjet më parë në fshatin Vërboc të Drenasit, e ku për për tri ditë janë vrarë rreth 300 shqiptarë.
Tutje, Rexhep Kodra me lot në sy tha se lajmin për rënien e Ilazit e ka kuptuar nga dy shokët e tij.
“Aty ku është vrarë nuk kam qenë. Unë isha në fshat, ndërsa Ilazi ka shkuar në Vërboc, fshat ky i cili i takon një pjesë Drenasit dhe një pjesë Skenderajt. Mbi 300 veta kanë qenë të vrarë aty dhe 40 dëshmorë për tri ditë. Ditën e parë nuk e kam marr vesh, vetëm se e kam ditë se diçka ka ndodh në atë rrethim aty, pasi i kam parë tankat aty dhe e kam dit se ka me qenë aty një telashe e madhe. Të nesërmen e kam kuptuar pak përmes shokëve të cilët hezitonin të më tregonin mua, duke thënë se ngadalë do t’i tregojmë. Po e shoh 2-3 ditë nuk po vjen dhe e veta Zenunin dhe Fadilin pasi ata ishin shokë. U ulëm me ta dhe i thash, kështu diçka nuk është në rregull, sepse Ilazi deri më tani kish ardhë. Ata thanë vallah na vjen keq, Ilazi është i vrarë. Me thanë me vjen keq, ku edhe unë ju thash të gjithë duhet të jemi të fortë, pasi ai ka thënë se këtë rrugë do ta ndjekë deri në fund”, ka treguar axha i Ilazit në emisionin “Ditari” në tëvë1.
