Institucioni i Avokatit të Popullit e ka vlerësuar si të pranueshme ankesën e Sindikatës së Policisë së Kosovës për hetimin e shkeljeve eventuale në Ligjin e Pagave, raporton teve1.info
Sipas një komunikate për medie të Sindikatës së Policisë, një vendim i tillë është nxjerrë nga Institucioni i Avokatit të Popullit me 13 shkurt 2023.
“Ju njoftojmë së 13 Shkurt 2023, Nga avokati i Popullit kemi marrë njoftimin ku ka vendosur si të pranueshme ankesën, për hetimin e shkeljeve eventuale të pohuara. Ne vijim gjeni shkresën e bashkangjitur nga Avokati i Popullit”, thuhet në komunikatën e IAP-së.
Sipas njoftimit, Sindikata e Policisë së Kosovës me datë 03 shkurt 2023 e ka dërguar Kërkesën për inicim të vlerësimit të kushtetutshmërisë së Ligjit nr. 08/L – 196 për pagat në Sektorin Publik tek Avokati I Popullit lidhur me shqetësimet për Ligjin e Pagave, përkatësisht: Neni 26 Shtesat për kushte specifike të punës (shtesat e rrezikshmërisë), Nenin 35 dhe 36 Kompensimet, kompensimi për kujdestari, punën gjatë natës dhe jashtë orarit të punës, Neni 44 Shtojcat e Ligjit, Shtojca Nr.5.1 – Policia e Kosovës dhe Shtojca nr, 10.6 e Projektligjit – nëpunësit e shërbimit civil, nëpunësi i administratës së shërbimit publik dhe nëpunësi teknik dhe mbështetës.
