Donis Avdijaj ka ndërruar klub, por jo edhe kampionat. Sulmuesi 28-vjeçar i është bashkuar skuadrës tjetër nga Austria, Wolfsberger.
Avdijaj, të hënën është prezantuar te Wolfsbergeri, ekip me të cilin ka firmosur kontratë dyvjeçare.
Te skuadra e re, të cilës i është bashkuar si lojtar i lirë, Avdijaj do ta bartë fanellën me numrin 10.
Në prezantimin e tij, Avdijaj është shprehur tejet i kënaqur që do të jetë pjesë e Wolfsbergerit, duke premtuar një sezon të suksesshëm.
Ai pranoi se kishte shumë oferta, por në fund vendosi të transferohet te Wolfsbergeri dhe ta vazhdoj karrierën në Austri.
Avdijaj sezonin e fundit ishte pjesë e Hartbergut, ku shënoi 11 gola dhe bëri 14 asistime në 36 paraqitje.
Gjatë karrierës, Avdijaj ka ndërruar shumë skuadra pasi ka luajtur edhe në Zvicër, Qipro, Holandë, Skoci, Turqi e Gjermani.
