Sipas Avdiajt kryeministri i Shqipërisë, Edi Rama pas 25 prillit ka tentuar ta shkatërroj elementin kryesor të pluralizmit, pra opozitën.
“Pas zgjedhjeve të 25 prillit kryeminitri Rama e ka goditur dhe ka tentuar ta shkatërroj elementin kryesor atë të pluralizmit siç është opozita dhe Shqipëria sot tregoi që është rithyer opozita. Është rikthyer një opozitë të cilën i besojnë qytetarët dhe zëri i qytetarëve ishte ai që tingëllonte fuqishëm se Qeveria Rama në vjeshtën e ardhshme do ta ketë këtë zë, zi cili filloi si uragan”, tha ai.
Avdiaj në emisionin “Info Nata” theksoi se protesta e opozitës dha një mesazh të fortë, sepse sipas tij, pas 25 prillit është cenuar vullneti dhe vota e qytetarëve të Shqipërisë.
Teksa shtoi se u rikthye fryma që i ka munguar opozitës.
“Zëri qytetarit u dëgjua në shumë aspekte jo vetëm në apektin politik por dha mesazhe se tani më qytetarët kanë dhe duan që politika më mos të bëjë çfarë të dojë, në kurriz të tyre për arsye se pas 25 prillit është cenuar vota e tyre, është cenuar e drejta e tyre, është cenuar edhe vullnet i tyre për të qenë i barabartë para ligjit dhe para kushtetutës. Ajo çfarë ishte u pa në këtë protestë se u kthye ajo fryma e cila u mungonte opozitës u rikthye”, tha ai.
Kurse kjo ishte protesta e parë e opozitës që nga marrja e drejtimit të Partisë Demokratike nga ana e Sali Berishës. /teve1.info./
