Autoritetet izraelite i kanë ndaluar Sheikh Muhamed Huseinit, Myftiut të Madh të Jerusalemit dhe Territorit Palestinez, hyrjen në Xhaminë Al-Aksa për gjashtë muaj, citon Al Jazeera.
Sipas agjencisë së lajmeve Wafa, Guvernatori i Jerusalemit, duke cituar avokatin Khaldoun Najm, tha se ndalimi ndaj Husseinit vjen pas skadimit të ndalimit të tij tetëditor.
Ky ndalim më i fundit u vendos pas predikimit të tij të së premtes, ku ai dënoi politikën e urisë së Izraelit kundër palestinezëve në Gaza.
Javën e kaluar, Husseinit iu dha një urdhër fillestar për dëbim tetë-ditor nga xhamia. Urdhri tani është zgjatur për gjashtë muaj.
Vendimi për ndalimin e myftiut vjen disa ditë pasi Ministri i Sigurisë Kombëtare Izraelite i ekstremit të djathtë, Itamar Ben-Gvir, sulmoi kompleksin e Xhamisë Al-Aksa dhe u lut në atë vend, duke shkelur një marrëveshje status quo-je të vitit 1967./teve1/
