Me duelin ndërmjet Austrisë dhe Francës, do të mbyllet dita e katërt e Kampionatit Evropian të futbollit që po mbahet në Gjermani.
Kjo ndeshje që nis në orën 21:00, i takon Grupit D dhe luhet në qytetin e Dusseldorfit. Franca vlerësohet favorite ndaj Austrisë dhe pritet ta fitoj edhe grupin, pjesë e të cilit janë edhe Holanda e Polonia.
Holanda, tashmë prinë në grup pasi të dielën triumfoi me rezultatin 2:1 kundër Polonisë.
Megjithatë, Franca mbetet prej favoritëve kryesor për të triumfuar në Evropianin e këtij viti. Po ashtu, te Franca pritet të shkëlqej sulmuesi Kylian Mbappe, i cili javë më parë u transferua te skuadra e Real Madridit.
Francezët synojnë fitoren ndaj Austrisë për ta nisur mbarë Evropianin dhe për të dhënë sinjal të qartë për synimet që i ka në këtë turne.
Në anën tjetër, Austria ka shpresa për ta kaluar grupin dhe do të përpiqen të evitojnë humbjen nga Franca në ndeshjen e parë, që do të ishte një sukses i madh.
