Sulmuesi i krahut, Jasir Asani pritet të largohet këtë verë nga Korea e Jugut për ta vazhduar karrierën në Japoni.
Bëhet e ditur se shumë skuadra japoneze kanë shprehur interesim për Asanin, i cili është pjesë e skuadrës Gwangju.
Yokohama Marinos, thuhet se është ndër ekipet më të interesuara për Asanin, pasi është gati të paguajë 1 milionë dollarë për kartonin e tij.
30-vjeçari ka kontratë me ekipin nga Korea e Jugut deri në fund të këtij viti kurse këtë sezon ka shënuar 13 gola në të gjitha garat.
Asani prej janarit të vitit 2023 bën karrierë në Korenë e Jugut, ndërsa ka edhe 23 paraqitje me Kombëtaren e Shqipërisë, ku ka realizuar 5 gola.
