Arsim Thaqi pritet ta udhëheq Prishtinën në xhirot e mbetura të Superligës, pasi klubi bardhekaltër ndërpreu bashkëpunimin me trajnerin francez, Jean-Michel Cavalli.
Rezultatet e dobëta, humbja në ndeshjen e fundit me Malishevën, një fitore në 13 ndeshje dhe rreziku për t’u futur në mesin e skuadrave nga zona e fundit e tabelës, detyruan klubin të bëjnë ndryshime, edhe pse zyrtarisht skuadra njoftoj për shkaqe shëndetësore largimin e trajnerit francez.
Burime të Sportit në Tëvë 1, bëjnë të ditur se klubi prishtinas ka arritur marrëveshje me trajnerin Thaqi, i cili ditë më parë u shkarkua nga Drenica për shkak të rezultateve të dobëta në Ligën e Parë.
53-vjeçari rikthehet në stolin e Prishtinës, të cilën e kishte udhëhequr edhe në vitet 2016-2018.
