Politikani serb, Aleksander Arsenijeviq ka mohuar se armët e gjetura i takojnë atij.
Ai i ka quajtur gënjeshtra se armët i përkasin atij, duke akuzuar ministrin në detyrë të Punëve të Brendshme, Xhelal Sveçla për “dënimi” publik.
“Vazhdoj të deklaroj se asgjë nga ajo që është gjetur nuk është e imja, dhe se është gjetur në një stallë të hapur, ku qëndron kali në livadh, ushqehet dhe strehohet aty”, ka thënë ai për Tëvë1.
Për gjetjen e një jeleku antiplumb ai ka pranuar se është tij, për të cilin ka thënë se ka njoftuar edhe Policinë e Kosovës.
Ai thotë se ky jelek është “klasik diplomatik”.
“Për jelekun antiplumb që ai e përmend, është një jelek klasik diplomatik që mbron nga goditjet me thikë dhe kalibra të vegjël – një jelek civil. Për këtë kam njoftuar me email drejtorin e policisë, Hoxha, si dhe zëvendësin për rajonin e Veriut, Veton Elshanin”, ka thënë ai.
Policia e Kosovës të dielën ka njoftuar se ka gjetur sasi armatimi në një sallë kuajsh në fshatin Valaq të Zveçanit.
Ndërsa, ministri në detyrë të Punëve të Brendshme, Xhelal Sveçla, ka thënë se armët janë gjetur në pronën e Aleksndar Arsenijeviq.
Sveçla: Arsenijeviq do të ndalohet posa të futet në territorin e Kosovës
.
