Arsenali ka shënuar fitore shumë të thellë në ndeshjen e fundit për këtë vit. Arsenali mposhti Aston Villan me rezultat 4:1.
Ishte ndeshja kryesore e së martës mbrëma në Premier League.
Katër golat e fitores, Arsenali i realizoi në pjesën e dytë. Një gol realizoi edhe Aston Villa.
Serinë e golave e nisi Gabriel Magalhaes në minutën e 48-të, ndërsa Martin Zubimendi shënoi për 2:0 në minutën e 52-të. Leandro Trossard në minutën e 69-të shënoi për 3:0, kurse golin që vulosi fitoren e thellë të Arsenalit e shënoi Gabriel Jesus në minutën e 78-të.
Golin e nderit për Aston Villan e shënoi Ollie Watkins në minutën e 94-t.
Arsenali e mbyll vitin në vendin e parë me 45 pikë. Aston Villa zë pozitën e tretë me 39 pikë.
