Është rritur në 11 numri i personave të lënduar nga aksidenti i trafikut që ndodhi në fshatin Prilep të Deçanit, ku u përfshinë tri automjete.
Lajmin e ka konfirmuar zëdhënësi i Policisë së Kosovës për rajonin e Pejës, Driton Rugova, i cili bëri të ditur se të gjithë të lënduarit janë dërguar për trajtim mjekësor.
Pas marrjes së informacionit për aksidentin, njësitet policore kanë dalë në vendin e ngjarjes dhe kanë nisur hetimet për të zbardhur rrethanat që çuan deri te përplasja.
Deri më tani nuk janë bërë të ditura detaje lidhur me gjendjen shëndetësore të të lënduarve, ndërsa rasti vazhdon të hetohet nga autoritetet kompetente. /teve1.info/
