Një person i dyshuar për veprat penale “mbajtje në pronësi, kontroll apo posedim të paautorizuar të armëve” dhe “përdorim i armës apo mjetit të rrezikshëm” është arrestuar të martën në fshatin Gllogjan të Deçanit.
Sipas njoftimit, Drejtoria Rajonale e Policisë në Pejë, përmes Stacionit Policor në Deçan, pas pranimit të informatës se në fshatin Gllogjan të Deçanit dyshohej se kishte pasur të shtëna me armë zjarri, menjëherë ka dalë në vendin e ngjarjes, ku fillimisht janë gjetur disa prova lidhur me rastin.
Policia ka arritur të identifikojë dhe arrestojë personin e dyshuar, tek i cili janë gjetur dhe sekuestruar një armë pistoletë Pietro Beretta kalibër 9mm dhe një karikator i së njëjtës armë.
I dyshuari, pas intervistimit nga hetuesit, me urdhër të prokurorit të Shtetit, është dërguar në mbajtje për 48 orë./teve1.info/
