Sipas komunikatës së Policisë pas hetimeve në teren kanë arritur të sigurojnë informacione se një person është duke transportuar substanca narkotike.
Sipas PK-së, vetura është parë në rrugën Prizren –Prishtinë, në afërsi të Komoranit dhe është ndaluar në hyrje të Fushë- Kosovës, ku në automjetin e tij në një vend të kamufluar janë gjetur sasi narkotike.
“Me urdhër të prokurorit, automjeti-kombi (furgon) është dërguar për kontrollë më të detajuar nga njësitet kompetente të Policisë së Kosovës, dhe nga bunkeri janë nxjerr dhe sekuestruar dymbëdhjetë (12) paketime të plastikës me substancë të dyshuar narkotike të llojit Marihuanë. Gjithashtu, si dëshmi nga i dyshuari janë sekuestruar: 60.450 Lekë Shqiptar, 329 euro, 250 funta të Anglisë si dhe dy telefona celuar Nokia me sim kartelë të Kosovës, kurse një Iphone me sim kartelë të Shqipërisë. Pas matjes së dymbëdhjetë (12) paketimeve me narkotikë pasha e tyre ka rezultuar të jet: tetë (8) kilogram e 740 gramëve”, thuhet në komunikatën e PK-së.
I dyshuari është arrestuar dhe me urdhër të prokurorit pas intervistimit nga hetuesit e antidrogës ndalohet për 48 orë për procedura të mëtejme.
Gjithashtu, sot në një operacion tjetër policor të antidrogës në Prizren me urdhër të organeve të drejtësisë është realizuar një bastisje me që rast është arrestuar një person i dyshuar i cili ndodhej në kërkim, si dhe janë sekuestruar dëshmi relevante për procedurë ligjore./teve1.info/
