Një shtetas i Shqipërisë është arrestuar në Prizren, nën dyshimin se ka dhunuar një femër kosovare.
Sipas PK-së e dhunuara pas tretmanit mjekësor është dërguar në IML për ekzaminime gjinekologjike, ndërsa i dyshuari është dërguar në mbajtje.
“Është arrestuar i dyshuari shtetas i R. Shqipërisë nën dyshimin se ka kryer veprën e cekur ndaj viktimës femër kosovare. Viktima pas tretmanit mjekësor është dërguar në IML për ekzaminime gjinekologjike. Në konsultim me prokurorin dhe me urdhër të Gjykatës është bastisur shtëpia e të dyshuarit ku janë sekuestruar dëshmi që mund të kenë ndërlidhje me rastin. Me vendim të prokurorit, i dyshuari pas intervistimit është dërguar në mbajtje”, thuhet në raportin 24-orësh.
