Policia e Kosovës ka arrestuar një person në Ferizaj për përdorim të armës dhe kanosje ndaj një personi tjetër.
Përmes një komunikate për media, thuhet se i njëjti kishte shtënë me armë zjarri në korridor të një lokali, kështu duke shkaktuar dëme materiale.
“Policia e stacionit në Ferizaj me datën 25.02.2024 rreth orës 04:25 kishte pranuar një informacion se në rrugën ”Ëesly Clark ”në Ferizaj në një lokal, një person kishte kanosur peronin tjetër e më pas në korridor të lokalit kishte shtënë me armë zjarri duke shkaktuar dëme materiale dhe ishte larguar në drejtim të panjohur. Pas një pune intesive hetimore, grumbullimit të informacioneve në terren dhe shikimit të kamerave të sigurisë, hetuesit kanë arritur që të identifikojnë dhe me datën 05.03.2024 të arrestojnë të dyshuarin M.A ( M/K), i moshës 27 vjeçar, tek i cili është gjetur arma e zjarrit, me të cilën dyshohet se është kryer vepra penale përdorimi i armës së zjarrit dhe kanosje”, thuhet në komunikatë.
Më tej, thuhet se i arrestuari është shoqëruar në stacionin e Policisë në Ferizaj dhe pas intervistuesit nga hetuesit, është ndaluar në mbajtje për 48 orë./teve1.info/.
