Policia e Kosovës ka arrestuar një person në veri të Mitrovicës, pasi në veturën e tij është gjetur një armë llojit AK-47, fishek dhe pajisje për prodhimin e kriptovalutave.
Sipas PK-së këto janë gjetur gjatë një kontrolle rutinore, ndërsa i arrestuari S.D. 52-vjeçar, shtetas i Republikës së Kosovës është ndaluar për 48 orë.
“Njësitet policore nga Stacioni policor në Mitrovicë Veri, me datë 27.01.2025 gjatë një kontrolle rutinore kanë ndaluar një automjet, ku pas kontrollit të detajuar në bagazhin e automjetit kanë gjetur dhe më pas kanë konfiskuar: një (1) armë e llojit AK-47një (1) karikator pesë (5) fishek të kalibrit 7.62 mm si dhe pajisje për prodhimin e kriptovalutave .Në cilësinë e të dyshuarit është arrestuar personi S.D. 52-vjeçar, shtetas i Republikës së Kosovës. I njëjti, me urdhër të prokurorit është ndaluar për 48 orë”, thuhet në komunikatën e PK-së.
Policia ka thënë se këto aktivitete policore pasqyrojnë përkushtimin dhe përpjekjet e vazhdueshme kundrejt armëve të zjarrit pa leje, për të garantuar sigurinë publike për respektimin e ligjit dhe mbrojtjen e të drejtave të të gjithë qytetarëve./teve1.info/
