Policia ka arritur ta arrestojë një person në Kaçanik të cilin po e kërkonte tash e një kohë, me urdhëresë të Gjykatës Themelore në Ferizaj.
A.L, 36-vjeçar, po kërkohej për shkak se kishte kryer veprën penale “Lëndim i lehtë trupor” dhe për këtë Gjykata i kishte shqiptuar 8 muaj burgim.
Pas kompletimit të dokumentacionit, i njëjti është dërguar në vuajtje të dënimit.
‘Policia Rajonale e Ferizajt do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës”, thuhet tutje në një njoftim.
