Një person është arrestuar në Deçan, pasi siç ka njoftuar Policia e Kosovës në gjendje të dehur ka sulmuar me thikë një person tjetër dhe kërcënuar me pistoletë.
Policia ka bërë të ditur se në këtë rast që ka ndodhur në rrugën “Dëshmoret e Kombit” në Deçan, janë sekuestruar thika, pistoleta dhe pesë fishek.
“Është arrestuar i dyshuari mashkull kosovar pasi që në gjendje të dehur kishte shkuar tek viktima mashkull kosovar dhe e kishte sulmuar me një thikë po ashtu kishte nxjerrë një pistoletë, lidhur me rastin pistoleta me pesë fishek dhe thika janë sekuestruar. Me vendim të prokurorit i dyshuari është dërguar në mbajtje”, thuhet në raportin e PK-së.
