Një person është arrestuar nën dyshimin për veprën penale “mbajtje në pronësi, kontroll ose posedim të paautorizuar të armëve”, pasi gjatë një intervenimi në fshatin Carrabreg të Deçanit, i janë gjetur dhe sekuestruar nëntë armë të maskuara në formë stilolapsi dhe katër fishekë.
Sipas njoftimit të Policisë, më 29 korrik rreth orës 15:00, janë njoftuar për një përleshje mes dy personave në fshatin Carrabreg.
Njësitet policore kanë reaguar menjëherë dhe gjatë trajtimit të rastit kanë gjetur armët e dyshuara tek njëri nga personat e përfshirë.
Me urdhër të prokurorit të shtetit, është kryer edhe bastisje në shtëpinë e të dyshuarit, mirëpo nuk është gjetur asgjë tjetër e kundërligjshme.
I dyshuari është arrestuar dhe pas intervistimit nga hetuesit, me vendim të prokurorit është dërguar në mbajtje për 48 orë./teve1.info/
