Policia e Rajonit të Prishtinës, përkatësisht hetuesit e Njësisë së Hetimeve të Përgjithshme (NjHP), kanë arrestuar një person të dyshuar për veprën penale “shtytje në zjarrvënie”.
Sipas njoftimit të Policisë, rasti ka ndodhur më 16 nëntor 2025 në rrugën “Nezir Gashi” në Prishtinë, ku një automjet është përfshirë nga flakët, duke shkaktuar dëme të konsiderueshme materiale.
Në kuadër të hetimeve, sot është arrestuar i dyshuari i dytë në këtë rast, B.H., 37 vjeç, i cili është ndaluar në pikën kufitare në Jarinjë.
Me vendim të prokurorit të shtetit, i dyshuari është dërguar në qendrën e mbajtjes për 48 orë./teve1.info/
