Policia e Kosovës të martën në Vushtrri, ka arrestuar një person i moshës së mitur, për të cilin i njëjti dyshohet se ka kryer veprën penale “detyrim’’.
Sipas njoftimit të policisë, i dyshuari nën kërcënimin e mjetit të ftohtë thikë ka kërkuar para nga viktima i moshës së mitur.
Policia ka bërë të ditur se me aktvendim të prokurorit, të dyshuarit i është shqiptuar masa e ndalimit për 24 orë.
“Ne orët e mbrëmjes se datës 26 shtator 2023, policia ne Vushtrri ka arrestuar një person te dyshuar për veprën penale “detyrim “. Arrestimi i të dyshuarit i moshës së mitur është bërë mbi dyshime dhe prova te siguruara se rreth orës 18:30, në parkun e qytetit në Vushtrri, i dyshuari nën kërcënimin e mjetit të ftoftë (thikë) ka kërkuar para nga viktima i moshës se mitur. Në cilësi të provës materiale është konfiskuar mjeti i ftoftë (thika). Pas intervistimit, me aktvendim të prokurorit të rastit, të dyshuarit i është shqiptuar masa e ndalimit për 24 orë”, thuhet në njoftimin e PK-së.
