Një person i ekstraduar nga Gjermania është arrestuar të mërkurën nën dyshimin për tentim vrasje.
Përmes raportit 24-orësh të Policisë bëhet e ditur se rasti ka ndodhur më 8 gusht të vitit të kaluar në Kamenicë.
Me vendim të prokurorit i dyshuari thuhet se është dërguar në mbajtje.
“Kamenicë / 08.08.2024 – 19:05. Lidhur me rastin, është arrestuar i dyshuari mashkull kosovar i cili është ekstraduar nga shteti i Gjermanisë. Me vendim të prokurorit i dyshuari është dërguar në mbajtje”, thuhet në raportin e PK-së.
