Një 28-vjeçar është arrestuar sot në Prishtinë, pasi që gjatë kontrollit i janë gjetur dhe sekuestruar sasi të substancave narkotike, një shumë të konsiderueshme të parave dhe një thikë.
Sipas policisë, i dyshuari ka rezultuar po ashtu se ishte në kërkim policor.
Policia ka bërë të ditur se ndaj të dyshuarit është shqiptuar masa e ndalimit për 48 orë.
“Sot nga njësitë policore të stacionit të Veriut në Prishtinë, është ndaluar një person M.S, 28 vjeç, për kontroll rutinë, të cilit i është gjetur dhe sekuestruar një sasi e substancave të dyshuara narkotike, një shumë e konsiderueshme e parave dhe një thikë”.
“Po ashtu, pas verifikimit i njëjti ka rezultuar se ishte edhe në kërkim policor. Ndaj personit të dyshuar me vendim të prokurorit të shtetit është shqiptuar masa e ndalimit 48 orë, ndërkohë që është iniciuar rast për veprat “blerje, posedim, shpërndarje dhe shitje të paautorizuar të narkotikëve, substancave psikotrope dhe analoge” dhe “armëmbajtje pa leje””, thuhet në njoftimin e policisë./teve1.info/
