Policia e Kosovës ka arrestuar një person të kërkuar nga Gjykata Themelore në Gjakovë, i cili ishte dënuar me dy vite burgim për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Sipas njoftimit, i arrestuari, S.LL., mashkull i moshës madhore, nuk e kishte respektuar urdhëresën e gjykatës për t’u paraqitur për vuajtjen e dënimit, ndaj ndaj tij ishte lëshuar kërkesë për lokalizim dhe arrestim.
Pas arrestimit, ai është dërguar në institucionin korrektues për vuajtjen e dënimit.
“Njësia për Ndërlidhje me Gjykatat, në kuadër të Stacionit Policor në Gjakovë, ka realizuar një aksion policor që ka rezultuar me arrestimin e një personi të kërkuar nga Gjykata Themelore në Gjakovë. Personi i arrestuar, S.LL (mashkull, i moshës madhore), ishte dënuar me dy vite burgim për veprën penale: “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”
Meqenëse i dënuari nuk e kishte respektuar urdhëresën për t’u paraqitur për ta vuajtur dënimin, me kërkesë të gjykatës, zyrtarët policorë kanë zhvilluar një punë intensive operative dhe hetimore. Si rezultat, ata kanë arritur ta lokalizojnë dhe ta arrestojnë personin, i cili tashmë është dërguar për vuajtjen e dënimit në institucionin korrektues përkatës. Policia e Kosovës mbetet e përkushtuar në zbatimin e ligjit dhe garantimin e rendit publik”, thuhet në njoftim./teve1.info/
