Policia ka njoftuar se për një kohë të shkurtër janë raportuar dy raste të vjedhjeve që kanë ndodhur në “Xhaminë e vjetër” në Dragash.
Në njoftim të policisë thuhet se dy herë gjatë javës së kaluar, persona të panjohur kanë vjedhur para nga kasa e xhamisë, ku vlera e tyre ka qenë 270 euro.
Derisa, policia ka arritur ta identifikon dhe të arrestojë personin e dyshuar të mitur nga Dragashi.
“Ai është intervistuar në prani të punonjësve të Qendrës për punë Socialë dhe avokatit , I dyshuari ka pranuar veprat për të cilat dyshohej, gjithashtu në çantën e tij u gjetën mjetet që përdorte gjatë vjedhjeve dhe një pjesë të parave që pranoi se ishin vjedhur, të cilat janë sekuestruar”, thuhet ndër të tjera në njoftim të policisë./teve1.info/
