Prokuroria Themelore në Gjakovë ka njoftuar se një person është ndaluar për 48 orë lidhur me vrasjen e 18-vjeçarit që ka ndodhur mbrëmë në këtë komunë.
Sipas njoftimit zyrtar, Departamenti për Krime të Rënda ka iniciuar procedurë penale për veprën “Vrasja e Rëndë”, ndërsa me urdhër të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore në Prishtinë për obduksion.
Në kuadër të veprimeve hetimore është arrestuar një person i dyshuar me inicialet I.S. Me vendim të prokurorit, ndërsa ndaj tij pritet të kërkohet caktimi i masës së paraburgimit në gjykatën kompetente.
Prokuroria bëri të ditur se, në bashkëpunim me Policinë e Kosovës, po ndërmerren të gjitha veprimet e nevojshme për zbardhjen e plotë të rrethanave të ngjarjes dhe sigurimin e provave relevante.
Autoritetet nuk kanë dhënë detaje shtesë mbi motivet apo rrethanat që çuan në rastin e rëndë, ndërsa hetimet janë në vazhdim.
Vdes një person pas një përleshjeje në Gjakovë – tre të lënduar mes tyre edhe i dyshuari
