Policia e Kosovës ka njoftuar se ka arrestuar të dyshuarin i cili dje në rrugën “Dervish Çollaku” në Prishtinë e kishte goditur viktimën me një mjet të mprehtë duke i shkaktuar lëndime trupore.
Sipas njoftimit, i arrestuari është D.M 30 vjeç, shtetas i Kosovës.
“Arrestimi i të dyshuarit erdhi si rezultat i ndërmarrjes së veprimeve të nevojshme operativo-policore me ç’ rast policia identifikoi, lokalizoi dhe arrestoi të dyshuarin; D. M, mashkull, 30 vjeç, shtetas i Republikës së Kosovës”, thuhet në njoftim.
Bëhet e ditur se i njëjti me vendim të prokurorit është dërguar në mbajtje prej 48-orësh.
“Përderisa policia po punon për zbardhjen e plotë të rrethanave të ngjarjes, ndaj të dyshuarit me autorizimin e prokurorit të shtetit është iniciuar hetim në drejtim të veprës penale “Vrasje në Tentativë” dhe me aktvendim mbi ndalimin e personit të dyshuar të nxjerrë nga ana e prokurorit të shtetit i dyshuari u dërgua në qendrën e mbajtjes prej 48 orësh”, thuhet tutje./teve1.info./
