Policia e Kosovës ka bërë të ditur se është arrestuar një person për ngacmim pas rastit të paraqitur nga deputetja Fitore Pacolli.
Hazir Hoxha, kryetar i Këshillit të fshatit Bellanicë mbrëmë ka njoftuar Tëvë1 se policia e kanë thirrur për intervistim.
Sipas PK-së më 29 korrik është denoncuar rasti në polici nga ankuesja së është shqetësuar përmes rrjeteve sociale dhe thirrjeve telefonike nga një person.
“Me datë 29.07.2025, ankuesja ka denoncuar në polici se është ngacmuar dhe shqetësuar përmes rrjeteve sociale dhe thirrjeve telefonike nga një i dyshuar. Hetimet e përgjithshme të Drejtorisë Rajonale të Policisë së Kosovës, menjëherë kanë trajtuar rrethanat e denoncuara, me ç’rast pas identifikimit dhe intervistimit kanë arrestuar të dyshuarin. Ndaj të njëjtit me rekomandimin e prokurorit të shtetit është iniciuar një hetim në drejtim të veprës penale “Ngacmim” dhe i njëjti është dërguar në mbajtje prej 48 orësh”, ka thënë për teve1.info, Enes Pllan nga Policia rajonale në Prishtinë.
